Rusiya Odessanı raketlə vurdu: ölü və yaralılar var

İyulun 18-i Rusiya qüvvələri Odessa bölgəsində yaşayış məntəqələrinə və mülki infrastruktura raket zərbələri endirib.

Axar.az xəbər verir ki, bu barədə Odessa vilayət hərbi administrasiyasının rəhbəri Oleq Kiper məlumat yayıb.

İlkin məlumata görə, iki fərdi ev, idman və əyləncə kompleksi və səkkiz avtomobilə ziyan dəyib.

Hücum nəticəsində bir nəfər ölüb, yeddi nəfər isə yaralanıb.

Dağıntıların miqyası və qurbanların sayı dəqiqləşdirilir.