Türk dünyasında Qazaxıstan birinci yerə yüksəlib - Ərdoğan

Qazaxıstanı Mərkəzi Asiyanın ən güclü iqtisadiyyatına malik ölkəsidir.

Axar.az xəbər verir ki, bu fikirləri Türkiyə Prezidenti Rəcəb Tayyib Ərdoğan Astanada keçirilən Türkiyə-Qazaxıstan biznes-forumunda deyib.

“Ötən ilin yekunlarına görə, Qazaxıstanın xarici ticarət dövriyyəsi 145 milyard dollara çatıb, ÜDM artımı heyrətamiz - 6,5 faiz təşkil edib, adambaşına düşən gəlir isə 15 min dollara yaxınlaşıb. Astana Ankara ilə ticarət tərəfdaşları arasında Türk dünyasında birinci yerə yüksəlib”, - Ərdoğan bildirib.

Ərdoğan həmçinin Ankaranın Qazaxıstandan böyük həcmdə neftin Türkiyə vasitəsilə dünya bazarlarına nəqlinə hazır olduğunu qeyd edib.