ABŞ-dan vətəndaşlarına: Bu ölkəni tərk edin!

ABŞ səfirliyi İraqda olan Amerika vətəndaşlarına dərhal ölkəni tərk etmələrini məsləhət görüb.

Axar.az xəbər verir ki, bu barədə “Röyters” məlumat yayıb.

Səfirlik vurğulayıb ki, İraqda qalmaq qərarını yenidən gözdən keçirmək tövsiyə olunur, çünki İranla əlaqəli terrorçu qruplar ciddi təhlükə yaradır.

Diplomatik korpus ABŞ vətəndaşlarına dördüncü səviyyəli xəbərdarlığı xatırladıb.

Qeyd olunub ki, xüsusilə, hücumlar ABŞ obyektlərinə, həmçinin Ərbil beynəlxalq hava limanı ətrafındakı ərazilərə və Bağdaddakı “yaşıl zona”ya endirilir.

Səfirlik həmçinin vurğulayıb ki, hava məkanının bağlanması səbəbindən ölkədən çıxış əsasən qonşu ölkələrə quru yolu ilə mümkündür.