Almaniya qanadlı raketlər üçün "Typhon" buraxılış qurğuları almaq niyyətindədir

Almaniya Birləşmiş Ştatlardan müxtəlif tipli qanadlı raketlərin müxtəlif məsafələrə buraxılması üçün nəzərdə tutulan yerüstü "Typhon" buraxılış qurğularını almaq niyyətindədir.

Sizinxeber.az xəbər verir ki, bu barədə Almaniyanın müdafiə naziri Boris Pistorius ABŞ-a səfəri çərçivəsində "DPA" agentliyinə açıqlamasında bildirib.

“Sadə dillə desək, bu qurğular müxtəlif məsafələrə uçuş qabiliyyətinə malik qanadlı raketləri yerüstü yolla buraxmağa imkan verir”, – deyə Pistorius vurğulayıb.