Ermənistanda atışma nəticəsində bir polis əməkdaşı ölüb, biri yaralanıb

Ermənistanın Armavir vilayətinin Nalbandyan kəndində atışma nəticəsində bir polis ölüb.

APA Ermənistan KİV-ə istinadən xəbər verir ki, bu barədə Ermənistan Daxili İşlər Nazirliyi məlumat yayıb.

Polis əməkdaşlarına kənd sakinlərindən birinin silah gizlətməsi barədə əməliyyat məlumatı daxil olub.

Asayış keşikçiləri sözügedən ünvana yollanıblar, lakin şübhəli şəxs polislərə atəş açıb.

Hadisə nəticəsində azı iki polis əməkdaşı xəstəxanaya aparılıb, onlardan biri yolda ölüb.