Moskvada iki tramvay toqquşub, 25 nəfər xəsarət alıb

Moskvada iki tramvayın toqquşması nəticəsində 25 nəfər xəsarət alıb.

Sizinxeber.az-nın Rusiya bürosu xəbər verir ki, qəza Moskvanın Pokrovskoe-Streşnevo rayonunun Vodnikova küçəsində baş verib.

Tramvayların toqquşması nəticəsində yaralananlardan beşinin uşaq olduğu bildirilib.

Yaralıların 21 nəfərinin xəstəxanaya yerləşdirildiyi bildirilib.

Hazırda qəzanın səbəbləri araşdırılır.