Rusiyanın Amur bölgəsində radardan itən və içərisində 49 nəfərin olduğu “An-24” təyyarəsinin qalıqları tapılıb.

APA xəbər verir ki, bu barədə "İnterfaks" məlumat yayıb.

Məlumata görə, təyyarənin qalıqları Tında şəhərindən 15 km məsafədə aşkarlanıb.

***

10:01

Rusiyanın Amur bölgəsində içərisində 43 sərnişinin olduğu “An-24” təyyarəsi ilə əlaqə kəsilib.

APA Rusiya mediasına istinadən xəbər verir ki, xilasedicilər “An-24”-ün axtarışı üçün Amur vilayətinin Tında rayonuna gedib.

“An-24”-ün Tında hava limanından bir neçə kilometr məsafədə radardan itdiyi bildirilir.

Rusiya FHN xəbəri təsdiqləyib. Təyyarə Xabarovsk-Blaqoveşensk-Tında marşrutu ilə hərəkət edib.

Məlumata görə, “An-24” Tında aeroportuna eniş etməyə hazırlaşıb, lakin ilk cəhd alınmayıb. Təkrar eniş etmək üçün hündürlüyə qalxan təyyarə ilə az sonra əlaqə itib.

Amur vilayətinin qubernatoru Vasili Orlov bildirib ki, təyyarədə 43 sərnişin (5-i uşaq) və 6 ekipaj üzvü olub.

Oxşar xəbərlər

Rusiyada sərnişin təyyarəsi radarlardan itib

Rusiyada Mi-8 helikopteri radardan itib

Rusiyada göyərtəsində 5 nəfər olan Mi-8 helikopteri radardan itib

Rusiyada helikopter qəzaya uğrayıb, 3 nəfər ölüb - YENİLƏNİB

ABŞ-də 17 il əvvəl qəzaya uğrayan təyyarə və içindəki sərnişinin qalıqları tapılıb