İran xarici işlər naziri Abbas Əraqçi Vaşinqtonla nüvə proqramı ilə bağlı danışıqlarda yaxın zamanda razılaşmaya gələ biləcəyinə əminliyini ifadə edib.

"Report" xəbər verir ki, bu barədə o, “X” sosial şəbəkəsindəki hesabında paylaşım edib.

"Mayın 15-də danışıqları davam etdirəcəyimiz üçün İranın nüvə proqramının davamlı sülh xarakterini təmin edə biləcək razılaşmanın əlçatan olduğu və tez bir zamanda əldə edilə biləcəyi aydındır", - o bildirib.

Nazir vurğulayıb ki, Tehranı qane edən nəticə o halda mümkün olacaq ki, danışıqların nəticəsində İrana AEBA-nın nəzarəti altında uran zənginləşdirmə proqramını davam etdirməyə icazə verilsin, həmçinin ölkəyə qarşı sanksiyalar ləğv edilsin.

Bununla yanaşı, A.Əraqçi qeyd edib ki, razılaşmanın əsası İranın heç vaxt nüvə silahı əldə etməyəcəyi barədə razılaşma ola bilər.

Oxşar xəbərlər

İran nüvə obyektlərinə nəzarətin artırılması üçün ABŞ-yə şərt qoyub

İran nüvə danışıqlarını müzakirə etmək üçün ABŞ-yə şərt qoyub

Kallas İranın XİN rəhbəri ilə Tehranın nüvə proqramını müzakirə edib

Energetika naziri: Razılaşma əldə olunmasa, ABŞ İrana qarşı daha sərt sanksiyalar tətbiq edəcək

Stiven Uitkoff: Yeni saziş İranın uranın zənginləşdirilməsi proqramının ləğvi demək olacaq