ABŞ Ukraynadan sülh razılaşması üçün şərtlərin siyahısını alıb.

“Report” xəbər verir ki, bu barədə Donald Trampın xüsusi nümayəndəsi Kit Kelloq “Fox News” telekanalının efirində məlumat verib.

“Bir həftədən bir qədər çox olar ki, ruslar sülhə nail olmaq üçün belə desək, memorandum hazırlayacaqlarını bildirdilər. Biz Ukrayna tərəfdən artıq belə bir memorandum almışıq. İndi də Rusiya tərəfdən oxşar sənədi gözlədiyik”, - o deyib.

Memorandumun alınmasından sonra danışıqların yeni raundunun keçiriləcəyi gözlənilir. Daha əvvəl Kelloq görüşün Cenevrədə keçirilə biləcəyini söyləmişdi.

Xatırladaq ki, Rusiya və Ukrayna nümayəndə heyətləri mayın 16-da İstanbulda son 3 ildə ilk birbaşa danışıqlardan sonra sənədin hazırlanması barədə razılığa gəlib. Rusiya Xarici İşlər Nazirliyinin sözçüsü Mariya Zaxarova qeyd edib ki, Moskvanın hazırladığı memorandumda münaqişənin həlli üçün mümkün müddətlər və prinsiplər göstəriləcək. Sənəddə, razılaşmalar əldə olunarsa, müəyyən müddət ərzində potensial atəşkəsin mümkünlüyü də göstəriləcək. Memorandum hazır olan kimi Ukrayna tərəfinə veriləcək. Rusiya xarici işlər naziri Sergey Lavrov Moskva ilə Kiyev arasında yeni görüşün Türkiyədə baş tutacağını istisna etməyib.

Oxşar xəbərlər

Kelloq: Ukrayna və Rusiya tam atəşkəsə yaxınlaşıb

Kit Kelloq: Tramp yaxın aylarda Ukrayna münaqişəsini həll edə biləcək

Kelloq Rusiya ilə Ukrayna arasında əsir mübadiləsini İstanbul danışıqlarının əsas uğuru adlandırıb

Putin: Ukrayna ilə gələcək sülh müqaviləsi üzrə memorandum üzərində işləməyə hazırıq

Kelloq: Ukrayna danışıqlarına başlamazdan əvvəl atəşkəs əldə edilməlidir