Ukrayna Prezidenti Volodimir Zelenski finlandiyalı həmkarı Aleksander Stubb ilə “Rusiyanın kölgə donanmasına” qarşı sanksiyaların gücləndirilməsini və müttəfiqlərlə səylərin əlaqələndirilməsini müzakirə edib.

“Report” xəbər verir ki, bu barədə Ukraynanın dövlət başçısı sosial şəbəkədə bildirib.

“Biz həmçinin Ukraynaya müdafiə yardımını və Ukrayna uzaqmənzilli silahlarının istehsalına investisiyaları müzakirə etdik. Mən ABŞ Prezidentinin yeni administrasiyası ilə əlaqələrimin, eləcə də Avropa liderləri ilə görüşlərim və müzakirələrimin təfərrüatlarını bölüşdüm. Həqiqi sülhü təmin edəcək və təcavüzün yenidən başlanmasını qabaqlayacaq etibarlı təhlükəsizlik zəmanətlərinin hazırlanması üçün bütün müttəfiqlərlə birlikdə işləmək son dərəcə vacibdir”, – o qeyd edib.

Ukrayna Prezidenti həmçinin Finlandiyaya davamlı dəstəyinə və müharibənin dayandırılması istiqamətində göstərdiyi səylərə görə təşəkkür edib.

Qeyd edək ki, "Rusiyanın kölgə donanması" termini Rusiyanın beynəlxalq sanksiyalardan yan keçmək və neftini müəyyən edilmiş məhdudiyyətlərdən kənar ixrac etmək üçün istifadə etdiyi gəmilər şəbəkəsinə aiddir. Bu gəmilər çox vaxt öz mənsubiyyətlərini gizlədir, izləmə sistemlərini söndürür və dünya bazarlarında neft ticarətini davam etdirmək üçün aşkarlanmamaq məqsədilə digər üsullardan istifadə edirlər.

Oxşar xəbərlər

Zelenski litvalı həmkarı Nauseda ilə Ukraynanın müdafiəsinin gücləndirilməsini müzakirə edib

Zelenski Almaniyanın Prezidenti ilə Ukraynanın ehtiyaclarını müzakirə edib

Zelenski Netanyahuya zəng edib

Zelenski: Ukraynanın güclənməsi müharibənin sonunu yaxınlaşdırır

Zelenski Sunakla HHM-in gücləndirilməsini müzakirə edib