Estoniya Belarus, Rusiya, Estoniya, Latviya və Litvanın (BRELL) vahid enerji sistemindən ayrılmazdan əvvəl ölkədə elektrik stansiyası və İES-də bir enerji bloku sıradan çıxıb.

“Report” xəbər verir ki, bu barədə “Delfi” portalı məlumat yayıb.

"Eesti Energia"dan bildirilib ki, enerji bloku təmir planına uyğun olaraq fevralın 6-da işlək vəziyyətə qayıdacaq.

Bundan əvvəl Estoniyanın Baş naziri Kristen Mixal BRELL-dən çıxdıqdan sonra ölkədə 72 saat ərzində elektrik enerjisinin kəsilə biləcəyini istisna etməyib.

Qeyd edək ki, Baltikyanı ölkələr BRELL-dən mümkün çıxış barədə ilk dəfə 2017-ci ildə bəyan ediblər. Onların bəyanatına görə, bunun səbəbi Rusiyadan enerji asılılığıdır.

Fevralın 8-də Litva, Latviya və Estoniya BRELL-dən ayrılacaq, əvvəlcə təcrid olunmuş rejimdə işləyəcək, bundan sonra isə nasazlıq olmadığı təqdirdə Avropa İttifaqının enerji şəbəkəsinə qoşulacaq.

Oxşar xəbərlər

Baltikyanı ölkələr gələn il Rusiya ilə paylaşılan elektrik şəbəkəsindən ayrılacaq

Estoniya və Finlandiya arasında zədələnmiş “Estlink 2” elektrik kabelinin təmirinə başlanılıb

“Akkuyu” AES-in ilk enerji bloku 2025-ci ildə işə salına bilər

Latviya, Litva və Estoniya prezidentləri Gürcüstana səfər edəcək

Estoniya prezidenti hökumətin yeni tərkibini təsdiqləyib