Vaşinqton administrasiyası ümumi seçkilərdən sonra və Birləşmiş Ştatların yeni prezidentinin andiçmə mərasimindən əvvəl digər ölkələrin ölkədə sabitliyi pozmağa cəhd edə biləcəyinə hazırlaşır.

"Report"un xəbərinə görə, bu barədə "The Washington Post" (WP) məlumat yayıb.

Amerika rəsmiləri arasında olan mənbələrə görə, Prezident Cozef Baydenin administrasiyası səlahiyyətlərin yeni prezidentə keçməsi zamanı xaricdən ABŞ-ni təhdid etmək və ya sabitliyi pozmaq cəhdlərinə yüksək hazırlıq vəziyyətindədir.

Amerika rəsmiləri Birləşmiş Ştatlarda həddindən artıq siyasi qütbləşmə nəticəsində daha da təhlükəli olan zəiflik dövründən istifadə etmək cəhdlərinin qarşısını almağa çalışırlar.

Məqalədə qeyd olunur ki, Pentaqon seçkilərdən sonra və yanvarın 20-də növbəti prezidentin andiçmə mərasimindən əvvəl baş verə biləcək bir sıra ssenarilərə hazırlaşır.

ABŞ-də növbəti ümumi seçkilər noyabrın 5-də keçiriləcək. Respublikaçı Donald Tramp və demokrat Kamala Harris prezidentlik uğrunda mübarizə aparacaqlar. Tramp Amerikanın 45-ci prezidenti olub və 2017-2021-ci illərdə vəzifədə çalışıb. Harris hazırda ABŞ-nin vitse-prezidenti vəzifəsini icra edir.

Oxşar xəbərlər

Gürcüstan Prezidenti seçkilərdən sonra Baş nazir postuna namizədin adını açıqlayacaq

KİV: Blinken seçkilərdən sonra Qəzzanın idarəsi ilə bağlı planını təqdim edə bilər

KİV: ABŞ İrana qarşı iri miqyaslı hücuma hazırlaşır

KİV: Ağ ev İsrailə on milyonlarla dollarlıq silah-sursat göndərməyə hazırlaşır

Parlamentin sədri: Müxalifət 2020-ci il seçkilərinin ssenarisini təkrarlamağa hazırlaşır