Fransanın Milli Elmi Araşdırmalar Mərkəzinin arxeoloq qrupu Səudiyyə Ərəbistanının qərbindəki Haybar oazisində 4 400 il yaşı olan al-Natah adlı kiçik şəhər tapıblar.

“Sizinxeber.az” xəbər verir ki, tədqiqat “PLOS One” elmi jurnalında dərc olunub.

Alimlər mərkəzi bölgəni və müdafiə divarları ilə əhatə olunmuş yaşayış məhəlləsini qazıblar. Yaşayış zonasından geniş miqdarda keramika, cilalanmış daşlar və minimum 50 yaşayış yerinin qalıqları aşkar edilib ki, bunlar da gillə inşa edildiyi güman olunur.

Al-Natahın mərkəzində iki bina aşkarlanıb ki, bunlar da idarəetmə məqsədilə istifadə olunmuş ola bilər. Həmin ərazidən qərbdə nekropol tapılıb; burada mərmər təpələrə bənzər yüksək dairəvi məzarlar qalıb.

Haybar oazisindəki şəhər naməlum səbəblərə görə, e.ə. 1500-1300 illərdə tərk edilib.

Alimlərin sözlərinə görə, bu kəşf Ərəbistan yarımadasında urbanizasiyanın daha yavaş getdiyini göstərir. O dövrdə Mesopotamiya, Misir və şərqi Aralıq dənizində artıq daha iri şəhərlər inkişaf edib, al-Natahın əhalisi isə 500 nəfərdən çox deyildi.

Oxşar xəbərlər

Çində yaşı 90 milyon ilə qədər olan dinozavr qalıqları aşkar edilib

Avstraliyalı alimlər diabet riskini azaldan dərman tapıblar

Zəngilanda inşa edilən iki yeni yaşayış kompleksində 500-dən çox ailə məskunlaşacaq

Alimlər dəniz suyu içə bilən meymunlar aşkarlayıblar

Autizmin oğlanlarda niyə daha çox yayıldığı məlum olub