İsrail hökumətinin adlar üzrə komissiyası qarşıdan gələn həftə HƏMAS-la müharibəyə yeni adın seçilməsi məsələsini müzakirə edəcək.

“Report” xəbər verir ki, bu barədə İsrailin “Kan Bet” radiostansiyası məlumat yayıb.

Bildirilib ki, komissiyaya bu adlar təklif olunub: “Yaradılış müharibəsi” (Tövratın birinci kitabının adından götürülüb), “Tövratın Simxat (müharibənin başlandığı gün - red.) müharibəsi”, “Dirildən ruhun müharibəsi”.

Məlumata görə, adlar üzrə hökumət komissiyası təbiət elmləri, tarix, coğrafiya, arxeologiya, yəhudilik, ivrit dili, ərəb dili üzrə mütəxəssislərdən, habelə hökumət başçısı, Müdafiə, Daxili İşlər, Nəqliyyat nazirlikləri, Kartoqrafiya Mərkəzi, Yəhudi Milli Fondu və Təbiəti Mühafizə və Milli Parklar İdarəsi nümayəndələrinin daxil olduğu ictimai qurumdur.

Xatırladaq ki, hazırda HƏMAS-a və başqa silahlı qruplaşmalara qarşı davam edən müharibə “Dəmir qılınc” adlanır.

Oxşar xəbərlər

HƏMAS silahlıları ilə toqquşmalarda İsrailin 44 hərbçisi həlak olub

İsrail HƏMAS-a bir həftəlik hərbi əməliyyatları dayandırmağı təklif edib

İsrail ordusu HƏMAS-ın yeni komandirini məhv etdi

Vaqif Xaçatryan məhkəmə zalında ağladı - VİDEO

Qəzzada Azərbaycan vətəndaşları var? - RƏSMİ CAVAB