Almaniyanın müdafiə naziri Boris Pistorius iki “Patriot” zenit-raket kompleksini Ukraynaya verməyə hazır olduqlarını bildirib, amma bunun üçün xüsusi şərt qoşub.

“Report” NTV telekanalına istinadən xəbər verir ki, o, bu barədə Bavariya federal ərazilərinə səfəri zamanı deyib.

“Biz öz tərəfimizdən iki sistem verə bilərik, lakin yalnız 6-8 ay ərzində onların dəyişdirilməsinə etibarlı təminat olarsa”, - nazir qeyd edib.

Onun sözlərinə görə, Bundesver özünün müdafiə qabiliyyətini və hərbçiləri “Patriot”la işləmək bacarığını qoruyub saxlamalıdır.

“Sistem çatışmazlığı səbəbindən bir və ya iki il məşq edə bilməsək, hazırlıq qabiliyyətini itirəcəyik”, - Pistorius əlavə edib.

Nazir həmçinin vurğulayıb ki, Ukraynanın ən azı beş “Patriot” sisteminə ehtiyacı var. Bundan əvvəl Ukrayna üzrə təmas qrupunun virtual görüşündə o, Almaniyanın bu sistemlərin Kiyevə sürətlə ötürülməsinə yardım etmək niyyətini təsdiqləyib.

Oxşar xəbərlər

Pistorius: Berlin və Vaşinqton Ukraynaya iki "Patriot" tədarükünü hazırlayır

Almaniyalı nazir: Ukrayna sərhədində Patriot ZRK və hərbçilər yerləşdiriləcək

Bloomberg: Almaniya və ABŞ tezliklə Patriotun Ukraynaya tədarükü ilə bağlı müqavilə bağlaya bilər

Zelenski: Almaniya və Norveç Ukrayna üçün "Patriot" alacaq

İsveç Ukraynaya “Patriot” zenit-raket kompleksinin tədarükü üçün 27,1 milyon dollar ayıracaq