Almaniyanın ən böyük qəzetlərindən biri olan “Süddeutsche Zeitung”u nəşr edən “Südwestdeutsche Medienholding” (SWMH) media şirkəti haker hücumuna məruz qalıb.

Bu barədə “Sizinxeber.az” TASS-a istinadən xəbər verir.

“Südwestdeutsche Zeitung” informasiya təhlükəsizliyi ilə bağlı kritik insidentlə üzləşib. Üçüncü şəxslər SWMH şəbəkəsinə qısa zamanda daxil ola biliblər. SWMH bu girişi bloklayıb”, - media holdinqdən bildirilib.

Hakerlər şirkətin mərkəzi şəbəkəsinə hücum ediblər, lakin insident onlayn platformaların fəaliyyətinə və qəzetlərin nəşrinə təsir etməyib. Bütün nəşrlər həmişəki kimi nəşr olunmağa davam edir.

SWMH-dən vurğulanıb ki, hüquq-mühafizə orqanları ilə əməkdaşlıq çərçivəsində hakerlərin şəxsiyyətinin və məqsədlərinin müəyyən edilməsi istiqamətində iş aparılır. Şirkət həmçinin gələcəkdə oxşar hadisələrin qarşısını almaq üçün kibertəhlükəsizlik tədbirlərini gücləndirmək niyyətindədir.

Oxşar xəbərlər

Nəhəng aviaşirkətin müştəri bazası haker hücumuna məruz qalıb

“Lui Vitton”un Britaniya bölməsi kiberhücuma məruz qalıb

Çinin haker qrupu ABŞ-nin telefon dinləmə sistemlərinə hücum edib