ABŞ Prezidenti Donald Tramp ermənipərəst senator Adam Şiffi oğru adlandırıb və onu vergi fırıldaqçılığında ittiham edib.

“Report” xəbər verir ki, o, bu barədə “Truth Social” səhifəsində yazıb.

"Adam Şiff oğrudur! Demokratlar məni və digər hər kəsi məsuliyyətə cəlb etməyə çalışdıqları kimi, o da məsuliyyətə cəlb edilməlidir. Yeganə fərq ondadır ki, biz tamamilə günahsız idik, bütün bunlar nəhəng bir mif idi", - o yazıb.

Tramp öz sözlərinin təsdiqi olaraq vergi sənədini də paylaşıb.

Bundan əlavə, Tramp sosial şəbəkədə paylaşdığı daha bir postda Şiffin kredit almaq üçün sənədləri saxtalaşdırdığını qeyd edib. ABŞ Prezidenti hesab edir ki, Şiffin indi bu səbəbdən "böyük problemləri" var. O, həmçinin vurğulayıb ki, senator öz fırıldaqlarına görə həbs cəzası almalıdır.

Əvvəllər Tramp Şiffi ipoteka fırıldaqçılığı sxeminə görə dələduz adlandırmışdı.

Oxşar xəbərlər

Trampdan ermənipərəst konqresmenə ittiham: Adam Şiff ölkənin daxili düşmənidir

Tramp Harrisi onun siyasi ideyalarını oğurlamaqda ittiham edib

Tramp: Ukrayna torpaqlarını Rusiyaya verməyən yeganə prezidentəm

Tramp vergi ödəyicilərinin KİV-ə xərclənən pullarının qaytarılmasını tələb edib

Tramp Vaşinqtondakı atışmanı antisemitizm aktı adlandırıb