Ukrayna Prezidenti Volodimir Zelenski Rusiyaya qarşı xüsusi tribunal yaradılmasını, həmçinin piyada əleyhinə minaların qadağan edilməsi haqqında Ottava Konvensiyasının dayandırılmasını ratifikasiya edib.

“Sizinxeber.az”un məlumatına görə, bu barədə Volodimir Zelenski sosial şəbəkələrdə yazıb.

"Yeni tribunal Rusiyanın Ukraynaya qarşı başlatdığı müharibəyə görə cəzanın qaçılmazlığını təmin etməyə çağırır", - deyə Ukrayna dövlət başçısı vurğulayıb.

Zelenskinin sözlərinə görə, Ukrayna müdafiə üçün lazım olan qüvvə və vasitələrdə heç olmasa paritetə nail olmalıdır, bura Rusiya ordusunun istifadə etdiyi silah növlərindən istifadə imkanı da daxildir.

Bundan əlavə, Zelenski bildirib ki, aidiyyəti məmurlara imzalanmış qərarların praktiki həyata keçirilməsi üçün bütün zəruri qanunaltı aktların təxirəsalınmadan hazırlanması və qəbul edilməsi tapşırığını verib.

Daha əvvəl bu gün Ukrayna Ali Radası Avropa Şurası ilə birgə Rusiyanın hərbi təcavüzünə qarşı xüsusi tribunal yaradılması haqqında sənədi təsdiqləyib.

Oxşar xəbərlər

Zelenski Ukraynanın Ottava Konvensiyasından çıxması haqqında fərman imzalayıb

Zelenski Kit Kelloq ilə görüşüb

Zelenski Ottava Konvensiyasının qüvvəsini dayandıran qanunu imzalayıb

Zelenski: Almaniya və Norveç Ukrayna üçün "Patriot" alacaq

Volodimir Zelenski: Rusiya danışıqlara hazır deyil