İyunun 5-də Macarıstanda Kroft düşərgəsi yaxınlığında “Saber Guardian 25” təlimlərinə hazırlaşarkən ABŞ-ın 101-ci Hava Desant Diviziyasının hərbçisi qəza nəticəsində həlak olub.
APA xəbər verir ki, bu barədə diviziya komandanlığından məlumat verilib.
Mərhum 101-ci Hava Desant Diviziyasının 2-ci Səyyar Döyüş Briqadasında atıcı kimi xidmət edən çavuş olub.
ABŞ ordusunun məlumatına görə, o, hərbi texnikanın iştirakı ilə baş verən qəza nəticəsində ölümcül yaralanıb.
Əlavə məlumat verilməyib, hadisənin səbəbi araşdırılır.