Türkiyənin Milli Təhlükəsizlik Şurası Ermənistan-Azərbaycan normallaşmasını müzakirə edəcək

Türkiyə Milli Təhlükəsizlik Şurasının bugünkü iclasında Ermənistan-Azərbaycan normallaşması müzakirə olunacaq.

APA-nın məlumatına görə, bu barədə yerli media məlumat yayıb.

Bildirilib ki, Yunanıstan və Suriya ilə münasibətlərin normallaşması da toplantının gündəminə gətiriləcək. Şuranın iclasında nəzərdən keçiriləcək məsələlər arasında həmçinin, Yaxın Şərqdəki vəziyyət və terrorçuluqla mübarizə də var.