NATO Ukrayna üçün təhlükəsizlik planlarının hazırlanmasında birbaşa iştirak etməyəcək

NATO “istəklilər koalisiyası"nı dəstəkləyir və Ukraynanın təhlükəsizliyinin təmin olunması üçün uyğun formaların axtarışında iştirak edir, lakin birbaşa bu planların hazırlanmasında rol oynamayacaq.

APA xəbər verir ki, bu barədə ANSA agentliyi Brüsseldəki mənbəyə istinadla məlumat verib.

Agentliyin məlumatına görə, bu nəticəyə NATO ölkələrinin silahlı qüvvələrinin baş qərargah rəisləri gəliblər.

Qeyd edilir ki, İttifaq tərəfdaşlarının bu istiqamətdəki hər hansı səyləri “NATO-nun müdafiə planlarına zərər vermədən” həyata keçirilməlidir.