Ukrayna Həştərxan limanında İrandan "Şahed" PUA-ları üçün hissələr daşıyan gəmini vurub

Ukrayna Müdafiə Qüvvələri Rusiyanın Həştərxan vilayətindəki dəniz limanına zərbə endirib.

Sizinxeber.az UNİAN-a istinadən xəbər verir ki, Ukrayna Silahlı Qüvvələrinin Baş Qərargahının məlumatına görə, zərbə nəticəsində İrandan “Şahed” pilotsuz uçuş aparatları üçün komplektləşdirici hissələr daşıyan gəmi vurulub.

Qeyd olunur ki, bu liman Rusiya tərəfindən İrandan hərbi təyinatlı yüklərin tədarükü üçün mühüm logistika məntəqəsi kimi istifadə olunur.