Zelenski: Ukrayna Donbasdan qoşunlarını çıxarmayacaq

Ukrayna Prezidenti Volodimir Zelenski bildirib ki, ölkəsi Donbasdan qoşunlarını çıxara bilməz, çünki oradan yeni hücum təhlükəsindən ehtiyat edir.

Sizinxeber.az xəbər verir ki, bu barədə Unian məlumat yayıb.

“Biz Donbasdan çıxmayacağıq. Biz bunu edə bilmərik. Donbas mümkün yeni hücum üçün strateji mövqe rolunu oynayır", - Prezident deyib.

Münaqişənin danışıqlar yolu ilə həllinin mümkünlüyündən danışan Zelenski, bunun üçün liderlər səviyyəsində üç görüşün lazım olacağını bildirib. Onun fikrincə, bu görüşlərdən ikisi ikitərəfli, biri isə üçtərəfli görüş olmalıdır.