Rusiya "İsgəndər -M" raketi ilə Çerniqova zərbələr endirib, ölən və yaralanan var

Rusiya Hərbi Kosmik Qüvvələri Ukraynanın Çerniqov vilayətinə “İsgəndər-M” raketləri vasitəsilə zərbələr endirib.

Sizinxeber.az xəbər verir ki, bu barədə məlumatı Rusiyanın Müdafiə Nazirliyi yayıb.

Bildirilib ki, hədəfdə Ukrayna ordusunun 169-cu dislokasiya düşərgəsi olub. Raket hücumu nəticəsində xeyli sayda ölü və yaralının olduğu qeyd edilib.

Ukrayanın UNIAN İnformasiya Agentliyi də məlumatı təsdiqləyib.

Qeyd edək ki, “İsgəndər-M” raketləri 500 kilometrlik məsafədəki hədəfi zərərsizləşdirmək qabliliyyətinə malikdir.