“Rusiya tərəfinin guya əsirlərin və həlak olanların meyitlərinin mübadilə prosesinin Ukrayna tərəfindən pozulması barədə bəyanatı həqiqəti əks etdirmir”.

Sizinxeber.az “unian”a istinadən xəbər verir ki, bu barədə Ukraynanın Hərbi Əsirlərin Mübadiləsi üzrə Koordinasiya Qərargahından bildirilib.

Qeyd olunub ki, rəsmi Kiyev mübadilə prosesinin baş tutması üçün müvafiq siyahını qarşı tərəfə təqdim edib və meyitlərin qaytarılmasını razılaşdırıb, lakin rəsmi Moskva tamamilə fərqli siyahı verərək, birtərəfli qaydada hərəkət edib:

“Biz Rusiyanı çirkin oyunları dayandırmağa və hər iki tərəfdən mübadilənin baş tutması üçün konstruktiv fəaliyyət göstərməyə, eləcə də qarşıdakı günlərdə razılaşmaların icrasını təmin etməyə çağırırıq”.

Xatırladaq ki, bir qədər əvvəl Rusiya prezidentinin köməkçisi Vladimir Medinski Ukrayna tərəfinin gözlənilmədən həm meyitlərin qəbulunu, həm də hərbi əsirlərin dəyişdirilməsini qeyri-müəyyən müddətə təxirə saldığını açıqlayıb. Onun sözlərinə görə, Ukrayna tərəfi mübadilə üçün razılaşdırılmış məntəqəyə gəlməyib.

Oxşar xəbərlər

Putinin köməkçisi: Ukrayna meyitlərin qəbulunu, əsirlərin dəyişdirilməsini qeyri-müəyyən müddətə təxirə salıb

Ukrayna və Rusiya “6000-in 6000-ə” formatında hərbçilərin meyitlərinin mübadiləsini razılaşdırıb

Ukrayna və Rusiya arasında növbəti əsir mübadiləsinin vaxtı bilinib

Rusiya "1000-in 1000-ə" mübadilə üçün əsirlərin siyahısını Ukraynaya təhvil verib

Lavrov: Rusiya sülh sazişi layihəsini əsirlərin mübadiləsindən sonra təqdim etməyə hazırdır