ABŞ-ın Gürcüstandakı səfiri istefa verir

ABŞ-ın Gürcüstandakı səfiri Robin Danniqan vəzifəsindən istefa verir.

Sizinxeber.az-nın Tbilisi müxbiri xəbər verir ki, bu barədə ABŞ-ın Gürcüstandakı səfirliyi məlumat yayıb.

Bildirilib ki, diplomatın vəzifəsindən getməsi şəxsi qərarıdır və ABŞ administrasiyasının müraciəti ilə deyil.

Danniqanın səfirliyin sosial şəbəkə hesabında dərc edilmiş bəyanatında onun 33 illik diplomatik fəaliyyətdən sonra təqaüdə çıxmaq qərarına gəldiyi qeyd edilib.