Ötən gün Avropa İttifaqı və ABŞ rəsmiləri Ermənistanın Nüvə Elektrik Stansiyasına səfər ediblər.

APA Aİ Şərq Tərəfdaşlığı programının rəsmi saytına istinadən xəbər verir ki, səfər Ermənistan Xarici İşlər Nazirliyi və stansiya rəhbərliyi tərəfindən təşkil olunub.

Qeyd edilib ki, qısa müddət öncə isə Nüvə Elektrik Stansiyasında təhlükəsizlik əməliyyatlarının təkmilləşdirilməsi üçün 3.4 milyon dollara başa gəlmiş, Avropa İttifaqı tərəfindən maliyyələşdirilmiş tam funksiyalı simulyator istifadəyə verilib.

2024-cü ildən bəri Avropa İttifaqı Ermənistana nüvə təhlükəsizliyi və radioaktiv tullantıların idarə olunmasının təkmilləşdirilməsi üçün 17.9 milyon avro ayırıb.

Bu vəsait Avropa İttifaqı ilə Ermənistan arasında Kompleks və Genişləndirilmiş Tərəfdaşlıq Müqaviləsi çərçivəsində davam edən əməkdaşlığın bir hissəsidir və Ermənistanın tənzimləyici bazasının Avropa İttifaqının nüvə təhlükəsizliyi standartlarına uyğunlaşdırılmasına dəstək verir.

Oxşar xəbərlər

Avropa İttifaqı Livan üçün 500 milyon avro ayırıb

Aİ Şurası Ermənistana 10 milyon avro yardım ayrılması ilə bağlı qərarı təsdiqləyib

Ermənistanın müdafiə qabiliyyətinin gücləndirməsinə Avropa Sülh Fondundan 10 milyon avro ayrılması müzakirə olunacaq

Aİ Ermənistanın müdafiə qabiliyyətini gücləndirmək üçün Avropa Sülh Fondundan vəsait ayıracaq

Aİ Ermənistana 292, ABŞ isə 65 milyon dollar məbləğində vəsait verəcək