Ukrayna və ABŞ Amerika-Ukrayna Bərpa Fondunun işə salınması üçün bütün lazımi prosedurları başa çatdırıb.

Sizinxeber.az “Unian”a istinadən xəbər verir ki, bu barədə Ukrayna Baş nazirinin birinci müavini – iqtisadiyyat naziri Yuliya Sviridenko bildirib.

Onun sözlərinə görə, son addım kimi bu gün ABŞ-ın Ukraynadakı müvəqqəti işlər vəkili Juli S. Deyvisdən diplomatik nota alınıb.

“İndi rəsmi olaraq hesab etmək olar ki, Fond işə başlayıb”, - nazir “Facebook”da yazıb.

Qeyd edək ki, ABŞ və Ukrayna bir müddət əvvəl Ukraynanın bərpası üçün investisiya fondunun yaradılmasını nəzərdə tutan Ukraynanın təbii ehtiyatlarına çıxış haqqında saziş imzalayıblar.

Oxşar xəbərlər

Ukrayna və ABŞ birgə İnvestisiya Fondunun yaradılmasına dair sənədlər imzalayıblar

KİV: Ukrayna ABŞ-la təbii sərvətlərlə bağlı sazişi bu gün imzalaya bilər

ABŞ və Ukrayna faydalı qazıntılara dair saziş imzalayıblar

Vaşinqton-Kiyev memorandumu Ukraynanın bərpası üçün investisiya fondunun yaradılmasını nəzərdə tutur

Ukrayna və ABŞ faydalı qazıntılarla bağlı memorandum imzalayıb