Ukrayna ilə Rusiya arasında əsir mübadiləsinin növbəti mərhələsi 24-25 mayda keçiriləcək

Ukrayna Prezidenti Volodimir Zelenski "1000-in 1000-ə" formatında Rusiya ilə əsir mübadiləsinin birinci hissəsinin aparıldığını təsdiqləyib.

APA xəbər verir ki, o, bu barədə Telegram kanalında bildirib.

“Bu razılaşma Türkiyədəki görüşdə əldə edilib və bunu tam həyata keçirmək vacibdir”, - Zelenski deyib.

Zelenski bütün vasitəçilərə təşəkkür edib. Onun sözlərinə görə, əsir mübadiləsinin növbəti mərhələləri mayın 24 və 25-də keçiriləcək.