Ukraynanın sabiq Prezidenti Viktor Yanukoviçin müşaviri İspaniyada qətlə yetirilib.

APA İspaniyanın “Cadena SER” radiostansiyasına istinadən xəbər verir ki, Yanukoviçin müşaviri Andriy Portnov güllələnərək öldürülüb.

Andriy Portnovu Posuelo de Alarcon şəhərindəki məktəbin qapısında, uşaqlarını təhsil müəssisəsinə gətirəndə güllələyiblər.

Cinayəti törədən şəxs və ya şəxslər hadisə yerindən qaçıblar.

Qeyd edək ki, Andriy Portnov 2006-2010-cu illərdə Ali Radanın üzvü olub. 2010-cu ildə Ukrayna Prezident Administrasiyası rəhbərinin müavini, Məhkəmə İslahatı və Məhkəmə Sistemi Baş İdarəsinin rəisi təyin edilib. 2014-cü ilin fevralına qədər, Kiyevdə hakimiyyət dəyişikliyi baş verənə qədər, o, administrasiya rəhbərinin birinci müavini vəzifəsində çalışıb. 2014-cü ildən Ukraynanı tərk etdikdən sonra özəl hüquq fəaliyyəti ilə məşğul olub.

Oxşar xəbərlər

"Bakı Metropoliteni" sədrinə müşavir təyin edilib

Londonda keçirilməsi planlaşdırılan danışıqlarda Ukraynanı təmsil edəcək nümayəndə heyəti açıqlanıb

Rubio: Ukraynanın 2014-cü il sərhədlərinə qayıtması çox çətin olacaq

Təhsil İnstitutunda yeni təyinatlar olub

“Valensiya”nın sabiq futbolçusu İspaniyada daşqınlarda ölüb