Gürcüstan parlamenti ABŞ Konqresinin Nümayəndələr Palatasında qəbul edilmiş “MEGOBARI Aktı”na cavab bəyanatı qəbul edib.

Sizinxeber.az-nın Tbilisi müxbiri xəbər verir ki, 11 səhifədən ibarət bəyanat 87 deputatın dəstəyi ilə yekdilliklə qəbul edilib. Bəyanatda ABŞ-nin yeni administrasiyasının və NATO-nun indiki şərtlərdə Ukrayna və Gürcüstanın NATO-ya inteqrasiyasını qeyri-real hesab etdiyi qeyd edilib.

“2017-ci ildə Avro-Atlantik strukturlara inteqrasiyanı milli məqsəd kimi müəyyən etmək üçün Gürcüstan Konstitusiyasına düzəliş edən hazırkı hökumət idi – bu addım o zaman parlamentdə təmsil olunan müxalifət partiyalarının heç biri tərəfindən dəstəklənmədi. Gürcüstan hər zaman Avro-Atlantik inteqrasiyaya tam hazır olduğunu nümayiş etdirib, bunla belə qarşılığında öz tərəfdaşlarından ehtiyatlı mövqe gördü. Bu o deməkdir ki, Gürcüstanın Avropaya inteqrasiyasının qarşısında süni maneələr yaradan Gürcüstan hökuməti deyil, daha çox tərəfdaş ölkələrdir”, - bəyanatda qeyd edilib.

Oxşar xəbərlər

Gürcüstan hakimiyyəti əleyhinə olan “MEGOBARI aktı” ABŞ Senatına təqdim edilib

Gürcüstan parlamenti 49 müxalif deputatın mandatına son verib - YENİLƏNİB

NATO Baş katibi: Gürcüstanda baş verənlərdən narahatıq

Avropa Parlamenti Gürcüstan əleyhinə qətnamə qəbul edib - YENİLƏNİB

Kobaxidze: Gürcüstan ABŞ ilə münasibətləri nəzərdən keçirə bilər