Gürcüstan Dövlət Təhlükəsizlik Xidməti (DTX) ABŞ səfirliyinin Tbilisidə ticarət mərkəzlərində partlayış təhdidi ilə bağlı bəyanatına münasibət bildirib.

APA-nın Tbilisi müxbiri xəbər verir ki, DTX aidiyyəti bölmələrin “növbəti saxta məlumat”la bağlı işlədiklərini bəyan edib.

“Vətəndaşların təhlükəsiziyi xidmətin (DTX-nın) başlıca prioritetidir və öz səlahiyyətləri çərçivəsində xidmət bütün zəruri və təcili tədbirləri tətbiq edir. Biz Gürcüstanda akkreditasiyadan keçmiş diplomatik nümayəndəlikləri təhlükəsizliklə bağlı məsul qurumların fəaliyyətlərinə hörmət etməyə və müvafiq qurumlarla razılaşdırılmayan bəyanatlar yaymaqdan çəkinməyə çağırırıq”, - DTX-nın bəyanatında deyilir.

Qeyd edək ki, qısa müddət öncə ABŞ-ın Gürcüstandakı səfirliyi Tbilisidə üç ticarət mərkəzində partlayış təhlükəsi ilə bağlı bəyanat yaymışdı.

Oxşar xəbərlər

ABŞ-ın Gürcüstandakı səfirliyi Tbilisidə üç ticarət mərkəzində partlayış təhlükəsi ilə bağlı bəyanat yayıb

Azərbaycan, Türkiyə, Gürcüstan müdafiə nazirlərinin görüşü keçiriləcək

Gürcüstan DTX seçkiqabağı rəsmilərin saxta görüntülərinin yayımlanacağı ilə bağlı xəbərdarlıq edib

BMT Baş katibi Gürcüstana çağırış edib

Kreml Marseldəki Rusiya Baş konsulluğundakı partlayışa münasibət bildirib