Vuçiçin ABŞ-a səfəri zamanı səhhəti pisləşib, Serbiyaya qayıdır

Serbiya Prezidenti Aleksandar Vuçiçin ABŞ-a səfəri zamanı səhhəti qəfil pisləşib.

APA xəbər verir ki, bu barədə Serbiyanın dövlət televiziyası RTS məlumat yayıb.

Məlumata görə, Vuçiç ABŞ-da keçirilməsi planlaşdırılan görüşlərini ləğv edərək təcili şəkildə Serbiyaya qayıtmaq qərarı verib. Qərar onun həkimləri ilə məsləhətləşmədən sonra qəbul olunub.

Prezidentin səhhəti ilə bağlı əlavə təfərrüatlar açıqlanmayıb.

Vuçiçin ABŞ-da Prezident Donald Trampla görüşüb-görüşmədiyi barədə hələlik rəsmi məlumat verilməyib.