Cənubi Qafqaz Avropa İttifaqının təhlükəsizliyi və rifahı üçün həyati əhəmiyyət kəsb edən bir bölgədir.

APA-nın yerli bürosu xəbər verir ki, bunu Gürcüstanın xarici işlər naziri Maka Boçorişvili "Rustavi 2" telekanalının efirində deyib.

Onun sözlərinə görə, bu kontekstdə Aİ üçün Gürcüstan, Ermənistan və Azərbaycanla münasibətlər tamamilə fərqli əhəmiyyət qazanır.

Nazir qeyd edib ki, bu vaxta qədər Aİ-nin Cənubi Qafqaz ölkələri ilə münasibətləri və siyasəti başqa perspektivdən həyata keçirilirdisə, bu gün artıq aydındır ki, bu region Aİ üçün mühüm əhəmiyyət daşıyır.

"Ümid edirəm ki, Avropa İttifaqının Cənubi Qafqaz ölkələri ilə bağlı münasibətlərdə istifadə edəcəyi yanaşmalar daha realistik olacaq", - Boçorişvili əlavə edib.

Oxşar xəbərlər

Boçorişvili: Gürcüstan Ermənistan və Azərbaycanın arxalana biləcəyi yerdir

Prezident İlham Əliyev: Cənubi Qafqaz sabit məkan olacaq

Azərbaycan, Ermənistan və Gürcüstan XİN başçıları Antalyada Cənubi Qafqazı müzakirə edirlər

XİN: İran üçün Cənubi Qafqazda təhlükəsizlik vacibdir

Toivo Klaar: Xüsusi nümayəndələrin görüşü Cənubi Qafqazın daha sabit olması üçün vacib elementdir