Almaniya XİN rəhbəri Hörmüz boğazının açılmasında NATO-nun rolunu görmür

NATO-nun Hörmüz boğazının blokadası məsələsinin həllində rolu yoxdur.

Bunu Almaniyanın xarici işlər naziri Yohann Vadeful Avropa İttifaqı Xarici İşlər Şurasının iclasından əvvəl bildirib.

“Bu istiqamətdə NATO-nun hər hansı bir qərar verdiyini görmürəm və ya boğaz üçün məsuliyyəti öz üzərinə götürə biləcəyini düşünmürəm. Əgər belə olsaydı, NATO qurumları məsələyə müvafiq şəkildə yanaşardı”, — Vadeful deyib.

Qeyd edək ki, ABŞ Prezidenti Donald Tramp Avropa müttəfiqlərinə Hörmüz boğazını qorumaqda kömək etmələri üçün təzyiqi artırıb və xəbərdarlıq edib ki, NATO üzvləri Vaşinqtonun yardımına gəlməsələr, alyansın gələcəyi “çox pis” olacaq.