Aİ Rusiyaya qarşı sanksiyaları daha altı ay müddətinə uzadıb

Avropa İttifaqı Şurası Rusiyanın Ukraynaya qarşı müharibəsi ilə əlaqəli şəxslərə və təşkilatlara qarşı sanksiyaları uzadıb.

Sizinxeber.az xəbər verir ki, məlumata görə bu sanksiyalar ən azı daha altı ay, 15 sentyabr 2026-cı ilə qədər qüvvədə qalacaq.

Məhdudiyyətlər təxminən 2600 şəxsə və təşkilata şamil olunur. Tədbirlərə aktivlərin dondurulması, Aİ ölkələrinə səyahət qadağaları və sanksiya tətbiq olunan təşkilatlara vəsait və ya iqtisadi resursların verilməsinin qadağan edilməsi daxildir.

Məlumata görə sanksiyalara baxış zamanı iki şəxsin adı sanksiyalar siyahısından çıxarılıb. Lakin onların kim olduğu ilə bağlı məlumat verilməyib.

Ölən beş şəxs də sanksiya tətbiq olunan şəxslər siyahısından çıxarılıb.