Avropa İttifaqı Ukraynaya Rusiya ilə müharibə başlayandan bəri ümumilikdə 168,9 milyard avro yardım göstərib və bunun 59,6 milyard avrosu silah tədarükünə yönəldilib.

APA xəbər verir ki, bu barədə Avropa Komissiyası məlumat yayıb.

Avropa İttifaqının və onun üzv dövlətlərinin Ukraynaya göstərdiyi 168,9 milyard avro məbləğində ümumi yardımın 59,6 milyard avrosu Ukraynanın hərbi əməliyyatları davam etdirmək qabiliyyətini dəstəkləmək məqsədilə silah və hərbi texnikanın alınmasına sərf olunub. Bu vəsait həm ikitərəfli tədarükləri, həm də Avropa Sülh Fondu vasitəsilə həyata keçirilən alışları əhatə edir.

Avropa Komissiyası ümumi məbləğə 17 milyard avronu da daxil edib. Bu vəsait birbaşa Kiyevə yox, Aİ ölkələrinə ukraynalı qaçqınların qəbul edilməsi və yerləşdirilməsi məqsədilə ayrılıb.

Oxşar xəbərlər

Aİ-nin Ukraynaya ümumi yardımı 118 milyard avro təşkil edib

Borrell: Aİ-nin Ukraynaya hərbi yardımı 43,5 milyard avroya çatıb

Avropa Ukraynaya 1 milyard avro yardım ayırıb

Qərbdən Ukraynaya ayrılan hərbi yardım 100 milyard avronu keçib