Siyarto: Macarıstan Alyaska görüşünün Ukraynada sülhə gətirib çıxaracağına ümid edir

Macarıstan ümid edir ki, Alyaskada keçirilən Rusiya–ABŞ sammiti Ukraynada sülhə gətirib çıxaracaq və Qərbi Avropa liderləri 2022-ci ildə olduğu kimi razılaşmanın imzalanmasına mane olmayacaqlar.

Sizinxeber.az xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto “Facebook” səhifəsində yazıb.

“Biz, macarlar, səmimi qəlbdən ümid edirik ki, dünənki danışıqlar sülhə gətirib çıxaracaq. Yaxşı olardı ki, bu dəfə Alyaskada başlanan proses yarımçıq qalmasın”, - deyə nazir qeyd edib.