Finlandiya qaçqınların və sığınacaq axtaranların inteqrasiya proqramları üzrə ödənişləri ləğv etməyi planlaşdırır və bu müavinətlərin azaldılması ən çox ukraynalılara təsir edəcək.

APA xəbər verir ki, bu barədə “Yle” nəşri yazıb.

Məlumata görə, bu həftə Finlandiya maliyyə naziri Riikka Purra gələn il üçün büdcə layihəsini təqdim edib. Layihədə, bələdiyyələrə və sosial təminat bölgələrinə qəbul etdikləri miqrantlar və sığınacaq axtaranlar üçün verilən inteqrasiya kompensasiyasının ləğvi təklif olunur.

Qeyd edilir ki, bu addım növbəti iki il ərzində 317 milyon avroya qənaət etməyə imkan verəcək.

Bu ödənişlər dövlətin miqrantlar üçün dil hazırlığı, işəgötürmə dəstəyi, eləcə də insanları Finlandiya cəmiyyəti və adətləri ilə tanış edən kurslar kimi inteqrasiya xidmətlərinə çəkilən xərcləri bələdiyyələrə kompensasiya etmək məqsədi daşıyır.

Finlandiya Əmək və İqtisadiyyat Nazirliyinin miqrasiya məsələləri üzrə direktoru Sonya Hyamyeleinen bildirib ki, inteqrasiya xidmətlərinin əsas istifadəçiləri sığınacaq axtaranlar və qaçqınlardır. Hazırda onların əksəriyyəti – təxminən 46 min nəfər – ukraynalılardır.

Onun sözlərinə görə, bu il inteqrasiya xidmətlərinə çəkilən vəsaitlərin təxminən üçdə ikisi, gələn il isə təxminən dörddə üçü Ukraynadan gələn şəxslərə göstərilən xidmətlərə yönəldiləcək.

Oxşar xəbərlər

Finlandiya rusiyalılara daşınmaz əmlak satışını qadağan etməyi planlaşdırır

Finlandiya Rusiya ilə sərhədə nəzarət üçün süni intellektdən istifadə edəcək

Finlandiya Ukrayna üçün sursat alınmasına 30 milyon avro ayıracaq

Finlandiya Ukrayna ilə hərbi dəstək haqqında müqavilə imzalayacaq

Finlandiya Rusiya ilə sərhəddəki iki nəzarət-buraxılış məntəqəsini bağlayıb