Almaniya Ukraynaya "Patriot" sistemləri göndərəcək

Almaniya Ukraynaya iki ədəd “Patriot” havadan müdafiə sistemi göndərəcək.

APA bu barədə Almaniya Müdafiə Nazirliyinə istinadən xəbər verir.

Nazirliyin məlumatına görə, Almaniya növbəti bir neçə gün ərzində sözügedən sistemlərin launçerlərini, bir neçə ay ərzində isə digər komponentləri Ukraynaya tədarük edəcək.

Əvəzində isə Berlin ABŞ-dan yeni “Patriot” sistemləri alacaq.

Qeyd edək ki, Almaniya bundan əvvəl üç ədəd “Patriot” sistemini Ukraynaya göndərmişdi.