Rumıniyada sel fəlakəti nəticəsində 7 nəfər ölüb, 44 ev su altında qalıb - FOTO

Rumıniyada sel fəlakəti nəticəsində həlak olanların sayı 7 nəfərə çatıb.

APA-nın “digi24.ro” portalına istinadən xəbərinə görə, hadisə nəticəsində, paytaxt Buxarest də daxil olmaqla, ümumilikdə, 16 bələdiyyənin ərazisi və 32 yaşayış məntəqəsi zərər çəkib.

İlkin məlumata əsasən, 44 ev tamamilə su altında qalıb.

Təbii fəlakətin fəsadları daha çox Ardjeş, Bakeu, Bistriça-Neseud, Buzeu, Karaş-Severin, Kovasna, Curcu, Harqita, Hunedoara, Mexednitsı, Mureş, Nyamts, Sibiu, Suçava, Vasluy əyalətlərində hiss olunub.