Fransa yaxın günlərdə Qəzzaya humanitar yardım göndərəcək

Fransa yaxın günlərdə Qəzzaya havadan humanitar yardım qutuları buraxılmasını həyata keçirəcək.

APA-nın “Al-Arabiya” telekanalına istinadən xəbərinə görə, bunu Fransadakı diplomatik mənbələr açıqlayıb.

Sözügedən addımın atılmasına BMT ekspertlərinin bölgədəki vəziyyətin mürəkkəbliyi barədəki rəyindən sonra qərar verilib.

Qeyd edək ki, qurumun Ərzaq Proqramının mütəxəssisləri Qəzza zolağında ərzaq çatışmazlığının tüğyan etdiyi ilə bağlı həyəcan təbili çalıb.