Rusiya ordusu növbəti dəfə Ukraynaya hücum ediblər, nəticədə xəsarət alanlar və dağıntılar barədə məlumatlar var.

APA xəbər verir ki, Dnepropetrovsk vilayət hərbi administrasiyasının rəhbəri Sergey Lısakın Telegram kanalında verdiyi məlumata görə, axşam saatlarından etibarən ruslar vilayətin iki rayonuna hücum ediblər.

“Nikopol rayonuna ağır artilleriya və “Qrad” reaktiv yaylım atəş sistemləri ilə atəş açılıb. Həmçinin dronlar göndərilib və pilotsuz uçuş aparatlarından döyüş sursatı atılıb. Hücumlar rayon mərkəzini əhatə edib”, – deyə o bildirib və əlavə edib ki, yaşayış məntəqələrində beş fərdi ev və elektrik xətləri zədələnib.

Hücum nəticəsində dörd nəfər yaralanıb – 47 və 60 yaşlı kişilər, 40 və 58 yaşlı qadınlar. Onlar həkim nəzarəti altındadır.

“Sinelnikov bölgəsində Velikomixaylovka və Mejevskidə partlayış səsləri eşidilib. Bu ərazilər dronlarla vurulub. Xoşbəxtlikdən yaralanan olmayıb. Zədələnmiş obyektlər arasında infrastruktur və yerli sakinlərə məxsus evlər var”, – deyə Lısak bildirib.

Oxşar xəbərlər

Rusiya Dneprə zərbə endirib, ölənlər və yaralananlar var

Rusiya Kiyevə raket hücumu edib, ölən və yaralananlar var

Rusiya Tambov vilayətində Ukrayna pilotsuz təyyarələrinin üç nəfəri yaraladığını bildirib

Rusiya Kiyevə kamikadze dronlarla hücum edib: yaralananlar var

Ukraynaya gecə hücumları nəticəsində paytaxtda 4 nəfər ölüb, qərb şəhərləri də zərbə altındadır