Böyük Britaniyanın baş naziri Kir Starmer ABŞ prezidenti Donald Trampla şəxsi görüşü zamanı Ukraynadakı münaqişəyə son qoymağın yollarını müzakirə etmək niyyətindədir.

APA xəbər verir ki, bu barədə “The Sunday Telegraph” qəzeti mənbələrə istinadən məlumat yayıb.

“Kir Şotlandiyada danışıqlar zamanı Rusiya-Ukrayna münaqişəsinə son qoymağın mümkün yollarını müzakirə edəcək”, - məqalədə deyilir.

Qeyd edək ki, Starmer və Tramp arasında danışıqlar iyulun 28-nə planlaşdırılıb və həmin danışıqlar ABŞ prezidentinin iyulun 29-dək səfərdə olduğu Şotlandiyada aparılmalıdır.

Həmçinin görüşün əsas mövzusu ABŞ və Böyük Britaniya arasında ticarət sazişi olacaq.

İki ölkə liderləri Qəzza zolağındakı vəziyyətə də toxunacaq.

Oxşar xəbərlər

Kir Starmer: Rusiya indi atəşkəsə razı olmalıdır

Ukrayna XİN başçısı Çinə səfər edəcək

Avropa Komissiyasının rəhbəri Trampla ticarət münasibətlərini müzakirə edəcək

Starmer Trampı Ukraynaya silah tədarükünü davam etdirməyə inandırmaq istəyir

Trampın komandası Kiyev və Ağ Evlə atəşkəs barədə danışıqlar aparıb