Rusiya ordusu Dnepropetrovsk vilayətinin ərazisinə daxil olmaq cəhdlərini davam etdirirlər və artıq inzibati sərhədə çox yaxınlaşıblar.

APA xəbər verir ki, bu barədə yerli kanallara “Xortıtsa” Əməliyyat-Strateji Qüvvələr Qruplaşmasının sözçüsü Viktor Trequbov deyib.

Onun efirdə dediyinə görə, hazırda vilayət ərazisində Rusiya qoşunları yoxdur.

“Hazırkı vəziyyətə görə, Dnepropetrovsk vilayətinin ərazisində düşmən yoxdur. Baxmayaraq ki, döyüşlər artıq inzibati sərhədə qədər yaxınlaşıb”, – deyə o vurğulayıb.

Trequbov əlavə edib ki, hələlik rusiyalıların Dnepropetrovsk vilayətinin sərhədinə yaxın heç bir ərazini ələ keçirməsindən söhbət getmir.

O, eyni zamanda qeyd edib ki, bəzən ayrı-ayrı diversiya qrupları vilayət ərazisinə keçə bilər. Lakin bu kimi hallar Ukraynanın digər sərhəd bölgələrində də müşahidə oluna bilər, məsələn, Belarus ərazisindən Volın vilayətinə diversantların keçməsi kimi.

Oxşar xəbərlər

Kreml Rusiyanın Ukraynanın Dnepropetrovsk vilayətinə hücumunun məqsədini açıqlayıb

“Ukrzaliznıtsya”: Dnepropetrovsk vilayətinə hücum nəticəsində qatar zədələnib

Ukrayna Ordusu Kurskda 100-dən çox məntəqəyə nəzarət edir

Ukrayna ötən gecə Rusiya ərazisinə 337 PUA ilə hücum edib

Rusiya qoşunları Kursk vilayətində Daryino və Plexovo yaşayış məntəqələrini azad edib