Britaniya və Fransa qeyri-qanuni miqrantların geri qaytarılması ilə bağlı pilot layihə başlatacaq

Birləşmiş Krallıq və Fransa La-Manş boğazını şişmə qayıqlarla keçərək Britaniya sahillərinə çıxan qeyri-qanuni miqrantların geri qaytarılmasını nəzərdə tutan pilot layihəyə start verəcək.

APA xəbər verir ki, bu barədə Böyük Britaniyanın Baş naziri Kir Starmer Fransa Prezidenti Emmanuel Makronla keçirdiyi birgə mətbuat konfransında məlumat verib.

Layihəyə əsasən, hər bir geri qaytarılan qeyri-qanuni miqrant müqabilində Britaniya Fransadan bir qanuni miqrant qəbul edəcək.