Avropa İttifaqı Bolqarıstanın pul vahidinin 2026-cı ildən avroya keçməsini təsdiqləyib.

APA xəbər verir ki, bu barədə Aİ-nin rəsmi səhifəsində məlumat yayılıb.

Bildirilib ki, Aİ Bolqarıstanın pul vahidinin avroya keçməsi ilə bağlı müraciətini böyük səs çoxluğu ilə qəbul edib. Bu qərarla Bolqarıstan 2026-cı ildən etibarən avrodan istifadə edən Aİ-nin 21-ci üzv ölkəsi olmağa bir addım da yaxınlaşıb.

Çərşənbə axşamı keçirilən səsvermədə 531 deputat lehinə, 69-u əleyhinə, 79-u isə bitərəf səs verib. Bu, ölkənin avroya keçid üçün lazım olan bütün tələbləri yerinə yetirdiyini təsdiqləyən hesabatın qəbulunu rəsmiləşdirib.

Qeyd edək ki, səsvermə Bolqarıstanda son həftələrdə avroya keçidə qarşı təşkil olunan kütləvi etiraz aksiyalarının fonunda baş tutub.

Oxşar xəbərlər

Bolqarıstan avroya keçir

Borrell: Aİ-nin Ukraynaya hərbi yardımı 43,5 milyard avroya çatıb

"Barselona" futbolçusunu 100 milyon avroya satmaqdan imtina edib

Fransanın müdafiə xərcləri 2025-ci ildə 50,5 milyard avroya yüksələcək

"Fənərbaxça" Yussuf En-Nesrini 19,5 milyon avroya transfer etdiyini açıqlayıb