Bu gün Bolu şəhərində 78 nəfərin həyatını itirdiyi otel yanğını ilə bağlı cinayət işi üzrə ilk məhkəmə iclası keçiriləcək.

APA NTV-yə istinadən xəbər verir ki, məhkəmə Bolu Sosial Elmlər Liseyinin idman zalında olacaq.

İclasda 19-u həbsdə olmaqla ümumilikdə 32 nəfər təqsirləndirilən şəxs hakim qarşısına çıxarılacaq.

Hazırda hadisədə həyatını itirən şəxslərin yaxınlarının məhkəmə zalına buraxılmasına başlanılıb.

Qeyd edək ki, yanvarın 21-i Kartalkaya Qış İstirahət Mərkəzində yerləşən Grand Kartal Oteldə baş vermiş güclü yanğın nəticəsində 78 nəfər həyatını itirib, 133 nəfər isə müxtəlif dərəcəli xəsarətlər alıb. Hadisədən sonra Bolu Cumhuriyyət Baş Prokurorluğunun başladığı istintaq çərçivəsində hazırlanan ittiham aktında otelin sahibləri, şirkət rəhbərliyi və Bolu Bələdiyyəsinin vəzifəli şəxsləri daxil olmaqla bir sıra adlara qarşı cinayət işi açılıb.

Oxşar xəbərlər

“Grand Kartal”dakı yanğınla bağlı 15 nəfər həbs edildi, 5 şübhəli ədliyyəyə gətirildi

Türkiyədə 78 nəfərin öldüyü otelin sahibi həbs edilib

Türkiyədəki otel yanğını ilə bağlı otelin sahibi həbs edilib

Ərdoğan Boluda yanğında ölən Gültekin ailəsi üzvlərinin vida mərasiminə qatılıb - YENİLƏNİB

Türkiyədə 78 nəfərin öldüyü hotelin sahibi həbs edilib