Macarıstan Avropa İttifaqı Ədalət Məhkəməsinə iddia qaldıraraq, ölkənin miqrantları qəbul etməkdən imtina etdiyinə görə gündəlik 1 milyon avro cərimə ödəməsi barədə qərarın ləğvini tələb edir.

APA xəbər verir ki, bu barədə ölkənin Baş nazirinin təhlükəsizlik və qanunsuz miqrasiyaya qarşı mübarizə üzrə baş müşaviri Dyord Baçondi "M1" telekanalının efirində bildirib.

Bir il əvvəl Avropa Komissiyasının təşəbbüsü ilə Avropa Ədalət Məhkəməsi Macarıstana qarşı 200 milyon avroluq cərimə qərarı çıxarıb.

Səbəb isə Budapeştin ümumavropa miqrasiya paktına əməl etməkdən imtina etməsi olub.

Qərarı yerinə yetirmədiyi hər günə görə Macarıstana əlavə olaraq 1 milyon avro cərimə hesablanır.

İllik faizlərlə birlikdə bu məbləğ 500 milyon avrodan artıq olub.

Macarıstan hökuməti bildirir ki, bu qərar ölkənin suverenliyini pozur və qeyri-qanuni miqrasiyanı təşviq edir.

Oxşar xəbərlər

Macarıstan gündə bir milyon avro kəsilən cəriməni ləğv etdirmək istəyir

Mask Orbanın qanunsuz miqrantları Brüsselə göndərmək ideyasını dəstəkləyib

Orban: Macarıstan miqrantların daxil olmaması üçün milyonlarla avro ödəməyə hazırdır

Avropa İttifaqı Livan üçün 500 milyon avro ayırıb

DİN rəhbəri: Polşa miqrantları qəbul etməyəcək