İsrail ordusu Qəzzanın şimalındakı missiyanı yekunlaşdırıb, 1500 obyekt sıradan çıxarılıb

“İsrail ordusunun 98-ci diviziyası operativ planlaşdırma fəaliyyəti və intensiv hərbi əməliyyatlar nəticəsində Qəzzanın şimalındakı missiyasını yekunlaşdırıb. İndi digər tapşırıqların icrasına hazırlıq işləri aparılır".

APA-nın məlumatına görə, bu barədə ordunun mətbuat xidmətindən bildirilib.

Qeyd olunub ki, bir neçə ay ərzinə diviziyanın hərbi birləşmələri Qəzzanın Xan-Yunis, Şecaya və Zeytun bölgələrində HAMAS silahlılarına aid infrastruktur və yeraltı silah anbarlarının sıradan çıxarılması üzrə planlı hərbi əməliyyatlar həyata keçirib:

“Nəticədə Qəzzanın şimal hissəsində terrorçulara aid 1500 infrastrutur obyekti sıradan çıxarılıb, aralarında ötən il, oktyabrın 7-də Qəzza sektorunun yaxınlığındakı yaşayış məntəqələrinə hücumda iştirak edənlər də olmaqla xeyli sayda silahlı isə zərərsizləşdirilib”.